Arnar Þórisson tilnefndur til Lettnesku kvikmyndaverðlaunanna

– tilnefndur kvikmyndatökumaður ársins fyrir Mellow Mud

Kvikmyndatökumaðurinn Arnar Þórisson er tilnefndur til Lettnesku kvikmyndaverðlaunana sem kvikmyndatökumaður ársins fyrir myndina Mellow Mud, eða Es esmu šeit. Verðlaunin verða afhent í október.

Myndin verður sýnd á veglegri barnadagskrá RIFF í ár og hlaut nýverið Krystalbjörninn fyrir bestu myndina í flokknum Generation 14Plus á alþjóðlegu kvikmyndahátiðinni í Berlín sem fór fram í febrúar síðastliðnum.

Mellow Mud er ekki eina myndin sem Arnar á aðkomu að á RIFF því hann myndaði einnig myndina Pale Star sem sýnd er í Icelandic Panorama flokk RIFF en þar má finna nýjar íslenskar stuttmyndir, heimildarmyndir og myndir í fullri lengd sem Íslendingar hafa komið að svo eftir er tekið. Frumsýningar verða á íslenskum myndum og myndum sem tengjast landinu á einhvern máta á hverjum degi í vikutíma á meðan á hátíðinni stendur.

RIFF, Alþjóðleg kvikmyndahátíð í Reykjavík hefst þann 29. september næstkomandi.