Reykjavík Talent Lab

Reykjavík Talent Lab er fjölþjóðleg kvikmyndasmiðja fyrir hæfileikafólk. Smiðjan stendur í fjóra daga á meðan hátíð stendur. Við höfum nú opnað fyrir umsóknir í Talent Lab 2017.

Um smiðjuna

Þátttakendur í Reykjavík Talent Lab koma úr öllum áttum og á síðasta ári sóttu 140 einstaklingar frá um 40 þjóðlöndum um þátttöku í smiðjunni. Hópurinn sem valinn er hverju sinni nýtur leiðsagnar íslensks kvikmyndagerðarmanns.

Gulleggið

Þáttakendur í Reykjavík Talent Lab fá tækifæri til að senda inn stuttmyndir úr eigin smiðju sem keppa síðan um Gulleggið, sem eru verðlaun sérstaklega veitt ungu og upprennandi kvikmyndgerðarfólki. Þær myndir sem valdar eru í Gulleggið eru sýndar á hátíðinni.  Myndir sem koma til greina í Gulleggið mega ekki vera lengri en 30 mínútur og útgefnar eftir 1. jaúnar 2016. Hægt er að hlaða myndunum inn á Vimeo eða aðrar veitu og senda með umsókninni. 

Dagskráin

Dagskrá smiðjunnar er mismunandi milli ára. Dagskráin skiptist í fyrirlestra, pallborðsumræður, vinnustöðvar og skemmtun. Meðal fyrirlesara síðustu ára eru leikstjórinn David Cronenberg og leikkonan og leikstjórinn Chloë Sevigny. Þátttakendur hafa setið pallborðsumræður þar sem íslensk tónskáld kynna verk sín, fengið leiðbeiningar hjá fagfólki um hvernig best sé að kynna sín eigin verk og farið í ferð um áhugaverða tökustaði á Suðurlandi. 

Umsagnir fyrri þátttakenda í Reykjavik Talent Lab:

“Mig langar að þakka kærlega fyrir að taka á móti mér í kvikmyndasmiðju RIFF. Það var frábær reynsla. Allir sem tengdust hátíðinni og á hostelinu tóku vel á móti mér.“

Daniel Williams, BNA   

“Ég naut þess heiðurs að taka þátt í kvikmyndasmiðjunni á Íslandi og var að koma heim úr þessarri ógleymanlegu ferð. Það er mikið um svona smiðjur út um all nú til dags, sem eru undir áhrifum Talent Campus á Berlinale. Þessi smiðja er býður upp á nánara andrúmsloft en stærri smiðjur, sem var frábært því ég kynntist nærri öllum sem tóku þátt og komu allsstaðar að úr heiminum. Við hittum Óskarsverðlaunahafann James Marsh, hlustuðum á masterklassa hjá listræna leikstjóranum Bela Tarr og þó það hafi ekki komið kvikmyndum neitt við þá hitti ég meir að segja forsetahjónin.“

Faisal Lutchmedial, Kanada

„RIFF Talent Lab er á svo marga vegu frábær reynsla. Masterklassarnir bjóða upp á tækifæri til að læra og eiga í samtali við fagfólk í hæsta gæðaflokki. Vinnuhópurinn samanstendur af alþjóðlegum hópi ungs kvikmyndagerðarfólks  sem fær tækifæri til að hittast og bæta tengslanetið. Hópurinn kynist einnig betur hvernig aðsæður eru í öðrum löndum. Hátíðin býður upp á áhugavert úrval kvikmynda og síðast en ekki síst er eyjan svo falleg að ég mun aldrei gleyma henni.“

Arianna Rossini, Ítalíu

“Dagarnir flugu hjá. Það var alltaf einhver áhugaverður til að ræða við, skemmtilegar námsstofur og kvikmyndir í bíó. Áhrifamikil og ógleymanleg reynsla.“

-Christian Fischer, Þýskalandi