Kvöldstund með Woody Allen: Jazzinn á RIFF 2015

Kvikmyndir Woody Allen eru mörgum hugfangnar. Kvikmyndir hans snerta marga sem hafa áhuga á hinum margflóknu brestum mannsins og mannlegum samskiptum. Það sem einkennir einnig myndir Allen er tónlistin, sem spilar mjög stórt hlutverk í þeim öllum.

Tónlistin sem er í miklum meirihluta Jazz frá fimmta til sjöunda áratugarins, er Woody hjartfólgin. Kvikmyndirnar eru uppfullar af músík og varla líður sú mínúta sem ekki er tónlist sem skreytir samtöl leikarana.

Á RIFF í ár verða tónleikarnir Kvöldstund með Woody Allen mun Jazzkvintettinn Bananas, leika lög úr mörgum myndum Woody Allen og leikkonan Edda Björg Eyjólfsdóttir fer með okkur í gegnum kvikmyndasögu leikstjórans á lifandi hátt, svo áhorfendur geti rifjað upp kynni sín af persónum og leikendum Allens. Frá Radio Days til Manhattan, og systrum Hönnu til Annie Hall munu tónar óma um Salinn í Kópavogi.

2. október kl. 20, Salurinn  Miðaverð: 3.900 kr

Miðasala á tix.is.

 

Jazzkvintettinn Bananas:

Haukur Gröndal, saxófónn og klarinett

Ásgeir Ásgeirsson, gítar

Gunnar Gunnarsson, píanó

Þorgrímur Jónsson, kontrabassi

Hannes Friðbjarnarson, trommur

 

Sérstakur gestur og sögumaður:

Edda Björg Eyjólfsdóttir, leikkona