Verðlaunahafar á RIFF 2015

Gyllti lundinn

Gullni lundinn til Íran fyrir myndina „Miðvikudagurinn 9.maí

Það var íranska myndin Wednesday May 9 / Miðvikudagur 9. maí sem var valin Uppgötvun ársins og hreppti Gullna lundann á verðlaunaafhendinunni RIFF 2015. Leikstjóri myndarinnar, Vahid Jalilvand, þakkaði fyrir sig og veitti verðlaununum móttöku í gegnum myndband í Iðnó í kvöld. Tólf myndir kepptu í flokknum Vitranir, allar fyrsta eða annað verk leikstjóra. 

Hin virtu Fipresci verðlaun frá samnefndum alþjóðasamtökum kvikmyndagagnrýnenda, hlaut  myndin Krisha (USA) eftir Trey Edward Shults. Sleeping Giant (CAN) eftir Andrew Cividino hlaut viðurkenningu dómnefndar í flokknum.

Myndin How to Change the World / Svona breytum við heiminum eftir Jerry Rothwell fékk Umhverfisverðlaunin og Áhorfendaverðlaunin sem valin var (kosið á mbl.is) úr flokki heimildarmynda hlaut mexíkóska/bandaríska myndin Cartel Land / Glæpaland eftir Matthew Heineman (MEX/USA).

Veitt voru verðlaun fyrir bestu íslensku stuttmyndina, en tvær myndir skiptu með sér verðlaununum:  Heimildaminnd eftir Jón Ásgeir Karlsson og Regnbogapartý eftir Evu Sigurðardóttur.

Loks fengu Harry Cherniak og Dusty Marncinelli hvatningarverðlaunin Gullna eggið, fyrir Winter Hymns (CAN) en um þau keppa myndir sem sýndar eru í kvikmyndasmiðju RIFF fyrir upprennandi kvikmyndaskáld, „TransAtlantic Talent Lab“.

Eftirtaldar verðlaunamyndir verða endursýndar á RIFF á morgun, sunnudaginn 4. okt.:

WEDNESDAY MAY 9 – Bíó Paradís salur 1,     19:30

KRISHA – HÁSKÓLABÍÓ salur 3,       20:00

CARTEL LAND – BÍÓ PARADÍS,       21:30

Frekari upplýsingar um verðlaunamyndir:

GULLNI LUNDINN

Uppgötvun ársins

Wednesday,-May-9---Still-hi-res-[189134]

Wednesday May 9 / Miðvikudagurinn 9.maí  eftir íranska leikstjórann Vahid Jalilvand.

Umsögn dómnefndar:

Dómnefndin var afar hrifin af þessari samtímasögu þriggja kvenna í Teheran í fyrstu mynd Vahid Jalilvands, Miðvikudagurinn 9. maí. Með afbragðs leik og vel ofnum söguþræði skilar Jalilvand af sér ákaflega sterku og marglaga verki sem áhorfendur geta sökkt sér í.

Dómnefnd skipuðu Dagmar Forelle, Frederic Boyer, Paolo Corvino and Agnes Johansen.

FIPRESCI VERÐLAUNIN

Alþjóðasamtök kvikmyndagagnrýnenda

Krisha---Still-hi-res-[184312]

Krisha by Trey Edward Shults (USA)

Umsögn dómnefndar:

Myndin sem fær gagnrýnendaverðlaunin í ár er óvenjulega snjallt byrjendaverk sem einkennist af heillandi fléttu hugmyndaríki og þéttleika í söguþræði.  Spennan magnast hægt en örugglega og dregur áhorfandann inn í sögusvið þar sem allir ættu að kannast við sig í sem er þó á sama tíma fyllt af óróleika.  Myndin sýnir hvernig sprungur geta myndast og stækkað á milli fjölskyldumeðlima á kvalafullan hátt, en á sama tíma fyllir hún áhorfandann af ást og umhyggju fyrir öllum persónum myndarinnar. Með allt þetta í huga höfum við, dómnefndin í FIPRESCI verðlaunaflokknum ákveðið að veita kvikmyndinni Krisha, eftir Trey Edward Shults gagnrýnendaverðlaunin í ár.

Dómnefnd skipuðu José Teodoro, Kira Taszman and Madelyn Most.

ÁHORFENDAVERÐLAUN RIFF

Úr flokki heimildarmynda, kosið á mbl.is

Cartel-Land---Still-hi-res-[189305]

Cartel Land / Glæpaland eftir Matthew Heineman (MEX/USA) .

Vargöld geisar í Mexíkó þar sem morðóðar glæpaklíkur ráða víða ríkjum. Í þessari vestrakenndu heimildarmynd er fylgst með tveimur sjálfskipuðum laganna vörðum sem hafa helgað líf sitt baráttunni við glæpasamtökin. Glæpaland hlaut verðlaun fyrir bestu leikstjórn og bestu kvikmyndatöku á Sundance kvikmyndahátíðinni.
Kosið var um Áhorfendaverðlaunin á mbl.is úr flokki heimildarmynda.

UMHVERFISVERÐLAUN RIFF

Úr flokki „Önnur framtíð“

 How-to-Change-the-World---Still-hi-res-[184347]

How to change the World / Svona breytum við heiminum eftir Jerry Rothwell (CAN/GBR)

Umsögn dómnefndar:

Dómnefnd komst að þeirri niðurstöðu að sú heimildamynd sem ætti helst skilinn titilinn „A different tomorrow“ væri mynd sem tengdi liðna atburði við nútíð og framtíð. Umrædd mynd er einstaklega vel unnin, hvert klipp er valið af kostgæfni eftir augljóslega mikla og ítarlega heimildavinnu, uppbyggingin er grípandi og sterk og þrátt fyrir að slaga hátt í tvo tíma er áhorfandanum haldið kyrfilega við efnið með sterkri sögu, inntaki og myndefni. Þessi mynd gefur að mati dómnefndar nýja og upplýsandi mynd af efni sem margir telja sig hafa töluverða þekkingu á, hún varpar ljósi á togstreitu og átök innan samtaka sem eru heimsþekkt og umdeild – og hlutleysi er haft í hávegum við gerð myndarinnar – hver viðmælandi hefur sína rödd þó þeir séu á öndverðum meiði. Dómnefnd valdi myndina „How to change the world“ til verðlauna í flokkum „A different tomorrow“ eftir Jerry Rothwell.

 Dómnefnd skipuðu Gísli Marteinn Baldursson, Rakel Garðarsdóttir and Hlín Jóhannesdóttir.

BESTA ÍSLENSKA STUTTMYNDIN (2 myndir deildu verðlaununum)

Frá dómefnd:

Það er ótrúleg gróska í íslenskum stuttmyndum og frábært að sjá hversu fjölbreyttar þær eru að innihaldi og útfærslu. Við getum verið stolt af

þessum öfluga, hugmyndaríka og metnaðarfulla hópi ungra kvikmyndagerðarmanna. Ekki bara þeim sem komust inn á RIFF myndirnar

sínar, heldur líka öllum hinum sem ekki áttu myndir á RIFF.

Að þessu sinni eru tvær myndir sem hljóta verðalaun fyrir bestu stuttmyndina. Það er Heimildarminnd/Docyoumentory og Regnbogapartý/Rainbow

Party.Það var ekki vegna þess að dómnefndin gæti ekki valið á milli þessa tveggja mynda heldur fannst okkur myndirnar hnífjafnar þó ólíkar séu og

það hefði verið óréttlátt gagnvart þessum myndum að taka aðra þeirra fram fyrir hina.

Docyoumentory---Still-hi-res-[191138]

Heimildaminnd / Docyoumentory

eftir: Jón Ásgeir Karlsson

Rökstuðningur dómnefndar:

Myndin nýtir einfalda frásagnaraðferð myndmáls og voice overs barns á skýrann hátt, til að segja miklu stærri og dramatískari sögu en lengd myndarinnar gefur til kynna. Uppbygging myndarinnar kallaði fram sterkar tilfinningar dómnefndar.

og

Rainbow-Party---Still-hi-res-[189368]

Regnbogapartý / Rainbow Party

eftir: Evu Sigurðardóttur

 

Rökstuðningur dómnefndar:

Regnbogapartý dregur upp raunsæja en karldranalega mynd af einelti á unglingsárum þar sem grimmd og stundargaman hefur afdrifaríkar afleiðingar á líf einstaklinga.

Myndin er gerð af stakri alúð og næmni fyrir margþættu og flóknu viðfangsefni, leikurinn er frammúrskarandi og lætur áhorfandan ekki ósnortinn.

Dómnefnd skipuðu Guðrún Helga Jónasdóttir, Reynir Lyngdal og Valdís Óskarsdóttir

 

GULLNA EGGIÐ

Viðurkenningarverðlaun fyrir unga leikstjóra

Winter_Hymns_02

Winter Hymns (CAN) eftir Harry Cherniak og Dusty Mancinelly.

Rökstuðningur dómnefndar:

Myndin nær tökum á áhorfandanum frá fyrsta ramma.  Saga tveggja bræðra og sambands þeirra sögð á mjög raunverulegan og hlýjan tilfinninganæman hátt. Myndin fjallar um þá erfiðu og oft sársaukafullu innri baráttu sem fylgir því að vilja sanna sjáflan sig, vera samþykktur og að gera það sem er rétt.  Uppbygging spennunar hefst strax í byrjun myndarinnar og hættan er sífellt nálæg, undir yfirborðinu í atriðum úr hversdagslegu lífi persónanna.  Kvikmyndatakan er falleg og nærgætin og í samvinnu við leikstjórnina skilar sögunni örugglega til áhorfandans.  Ungu leikararnir fanga hjarta áhorfandans með frammistöðum sínum og sleppa ekki takinu á því.

Dómnefnd skipuðu Þórunn Erna Clausen, Jón Páll Eyjólfsson and María Reyndal.

RIFF 2016 verður haldin 29. september – 9. október

Sjáumst á næsta ári!