Leeni Linna er leikstjóri og handritshöfundur frá Eistlandi og fyrrum nemandi  Kvikmyndaakademíunnar í New York. Hún hefur skrifað og leikstýrt auglýsingum, stuttmyndum, heimildamyndum og unnið hjá Vice Media í New York við sjónvarpsseríuna, Woman with Gloria Steinem (2016), sem var tilnefnd til Emmy verðlauna. Leeni hefur gert tilraunir með kvikmyndatöku í hættulegum aðstæðum, til dæmis á átakasvæði í Afganistan fyrir heimildamynd hennar í fullri lengd, Blood Type (2013). Bakgrunnur í heimildamyndum hefur komið sér vel í kvikmyndagerð hennar og veitt einstaka innsýn í auglýsingaverkefnum.