Marie Jacotey fæddist árið 1988 í París í Frakklandi. Hún er listamaður sem býr og starfar í London. Hún lauk mastersgráðu í prentlist frá Royal College of Art í London árið 2013 eftir að hafa lokið DNSAD árið 2011 frá École Nationale Supérieure des Arts Décoratifs í París. Síðan þá hefur hún sýnt verk sín á fjölda einka- og hópsýninga. Verk hennar má finna í safneign Victoria & Albert Museum í London. Jacotey er listamaður á vegum Hanna Barry gallerísins í London.

Lola Halifa-Legrand hlaut mastersgráðu í grafískri hönnun við Ecole Nationale Supérieure des Arts Décoratifs í París. Hún hefur unnið sem grafískur hönnuður síðan þá. Meðfram vinnu sinni sem grafískur hönnuður hefur hún unnið við leikmyndir kvikmynda sem leiddi til þess að hún stundaði nám að hluta við École du Jeu, leikhússkóla í París.