Fransk-senegalski kvikmyndagerðarmaðurinn Alain Gomis lærði listasögu við Sorbonne. Hann leikstýrði sinni fyrstu mynd L’Afrance, árið 2002. Myndin fjallar um vandræði innflytjenda í Frakklandi og vann Silfurhlébarðann á Locarno kvikmyndahátíðinni. Kvikmynd hans Andalucia var sýnd á Kvikmyndahátíðinni í Feneyjum 2012. Aujourd’hui (Tey) var sýnd í keppninni á Berlinale og vann Gullna folann á Fespaco. Hann sneri aftur á Berlinale árið 2017 með myndina Félicité. Fyrir myndina hlaut hann dómnefndarverðlaun hátíðarinnar og annan Gullinn fola á Fespaco. Myndin var auk þess valin sem framlag Senegal til Óskarsveðlaunanna þar sem hún komst á skammlista sem besta erlenda myndin.