Teresia Fant er fædd og uppalin í Vasa í Finnlandi, og býr nú í Noregi. Hún útskrifaðist með bakkalárgráðu í heimildamyndagerð í Norska kvikmyndaskólanum árið 2018. Árin 2018–2019 leikstýrði hún vefseríunni Vacuum, sem fjallar um hóp fólks á þrítugsaldri, fyrir YLE. Myndin sem hún gerði í skólanum, Leve Løten!, var sýnd á NRK og DR og var tilnefnd til nýju norrænu kynslóðarverðlaunanna á Haugesund kvikmyndahátíðinni. Fyrsta heimildamynd hennar, Empty cages the movie (37 mínútur), var frumsýnd á kvikmyndahátíðinni í Gautaborg og hefur síðan þá verið sýnd meðal annars á Ji.hlava IDFF og Dokfilm í Volda.