Markia Kourkouta er kvikmyndagerðarmaður, klippari og framleiðandi sem fæddist í Grikklandi árið 1982. Eftir að hafa lært sagnfræði flutti hún til Parísar þar sem hún nam kvikmyndafræði. Hún hefur gert kvikmyndir síðan 2010, flestar teknar á 16 mm filmu. Eftir að hafa lokið við stuttmyndina Return to Aeolus street árið 2014 (sem hlaut verðlaun fyrir bestu evrópsku stuttmyndina á Oberhausen FF) leikstýrði hún fyrstu mynd sinni í fullri lengd með ljóðskáldinu Niki Giannari, Spectres are haunting Europe, árið 2016. Sú mynd hlaut verðlaun sem besta alþjóðlega heimildamyndin á Ji.hlava kvikmyndahátíðinni. Hún hefur verið virkur þátttakandi í frönsku listamannareknu kvikmyndasmiðjunum L’Etna og L’Abominable í meira en tíu ár.