00
Dagar
00
Stundir
00
Mínútur
00
Sekúndur

Myndaflokkar 2021

Discover the selection of RIFF 2021: browse through the sections to find out all the details of the films to see. For your convenience, they are arranged in a number of different categories.

Vitranir

Í Vitrunum tefla nýir leikstjórar fram sinni fyrstu eða annarri mynd og keppa um aðalverðlaun hátíðarinnar, Gullna lundann. Þessar myndir ögra viðteknum gildum í kvikmyndagerð og vísa veg kvikmyndalistarinnar til framtíðar.

Fyrir opnu hafi

Á hverju ári vekja ákveðnar myndir sérstaka athygli á kvikmyndahátíðum víða um heim. Þetta eru meistarastykki úr smiðju þekktra kvikmyndagerðarmanna jafnt og nýgræðinga. Hér er boðið upp á rjómann af uppskeru síðasta árs.

Í brennidepli: Holland

Holland er í brennidepli í ár. Við sýnum frábært úrval fjölbreyttra mynda sem spanna vítt svið.

VERÐLAUN FYRIR FRAMÚRSKARANDI LISTFENGI - Joachim Trier

Norski leikstjórinn Joachim Trier er meðal fremstu núlifandi leikstjóra Evrópu. Verk hans eru tilfinninganæmar frásagnir af sálarflækjum fólks, þar sem tilvistarleg stef eru aldrei langt undan.

VERÐLAUN FYRIR FRAMÚRSKARANDI LISTFENGI - Mia Hanse Løve

Kvikmyndir Mia Hansen-Løve skipa framvarðasveit franska bíósins í dag. Í þeim er því sjálfsævisögulega og skáldaða blandað á merkilegan máta. Þær einkennast af þaulhugsuðum gagnsæum stíl sem leiðir áhorfendur rakleitt inn í söguheiminn.

heiðursgestir - TRINE DYRHOLM

Trine Dyrholm er einn helsti kvikmyndaleikari Dana og hefur hlotið metfjölda Bodil-verðlauna (megin kvikmyndaverðlaun Dana). Hún er meðal annars þekkt fyrir hlutverk sín í Hævnen (2010), Kollektivet (2016) og Dronningen (2019).

TIL HEIÐURS - DIMITIRI EIPIDES

Dagskrárflokkur tileinkaður minningu vinar okkar Dimitri Eipides, dagskrárstjóra hjá RIFF 2005-2010 og jafnframt kvikmyndahátiðinni í Toronto og Þessaloníkuhátíðinni og flerium. Æviframlag hans til framsækna og óvenjulegra kvikmynda var ómetanlegt.

Til heiðurs - ÁRNI ÓLAFUR ÁSGEIRSSON

Yfirlit yfir feril leikstjórans Árna Ólafs Ásgeirsson sem lést á þessu ári. Hann leikstýrði fjórum kvikmyndum í fullri lengd og markaði djúp spor í íslenskt kvikmyndalíf sem listamaður og manneskja. Á þennan hátt heiðrar hátíðin minningu þessa sanna verndara kvikmyndamenningarinnar.

Önnur framtíð

Framtíð okkar hefur ávallt verið okkur ókunn, en aldrei jafn óörugg. Jörðin ræður ekki lengur við ágang okkar. Við snúumst hvort gegn öðru. En við erum að læra. Flokkurinn Önnur framtíð býður upp á áhrifamiklar heimildarmyndir um mannréttinda- og umhverfismál. Bíó getur breytt heiminum!

Heimildarmyndir

Heimildarmyndadagskrá RIFF miðar að því að fræða og upplýsa áhorfendur, en ekki síður að miðla þekkingu með óhefðbundnum leiðum. Góð heimildarmynd kveikir í ímyndunaraflinu og getur haft sterk áhrif á áhorfendur og samfélagið með óvæntu sjónarhorni eða nýjum upplýsingum.

Tónlistarmyndir

Tónlist gegnir lykilhlutverki í lífi og dægurmenningu okkar. Í þessum flokki er einblínt á heimildarmyndir sem veita innsýn í líf tónlistarmanna og menningarheima þeirra og færa þar að auki áhorfendur á tiltekinn stað og stund.

Teiknimyndir

Úr blýantsstrokum spruttu Kalli Kanína, Múmínálfar og mótorhjólagengi Akíru sem bregða enn á leik í heilahveli okkar. Regnhlífarhugtak teiknimynda rúmar þó ótal tegundir kvikmyndagerðar, sem eiga það sammerkt að undirbúa brautir ímyndunaraflsins fyrir flugtak.

Ísland í sjónarrönd

RIFF er skurðpunktur íslenskrar og erlendrar kvikmyndalistar. Hér eru sýndar nýjar myndir sem Íslendingar hafa komið að svo eftir er tekið.

Íslenskar stuttmyndir

Þessi dagskrárflokkur inniheldur íslenskar stuttmyndir, sem margar hverjar hafa vakið athygli á alþjóðlegum kvikmyndahátíðum.

ÍSLENSKAR NEMASTUTTMYNDIR

Hér eru til sýnis íslenskar stuttmyndir, gerðar innan kvikmyndaskóla. Fylgist með komandi kynslóð kvikmyndagerðarmanna.

Alþjóðlegar stuttmyndir

Sýnishorn af hugrökkum, listrænum og næmum röddum sem valdar eru af kostgæfni. Hér er á ferðinni hæfileikaríkt kvikmyndagerðarfólk sem með eldmóði sínum kemur okkur á ystu nöf, víkkar ímyndunaraflið og þróar kvikmyndaformið.

EFA VERÐLAUN UNGRA ÁHORFENDA

RIFF sýnir kvikmyndirnar þrjár sem voru tilnefndar til EFA verðlauna ungra áhorfenda. Grunnskólanemendum af höfuðborgarsvæðinu á unglingastigi er boðið í Bíó Paradís á sýningar á tilnefndu myndunum.

GULLNA EGGIÐ

Myndirnar sem keppa um Gullna eggið eru myndir eftir unga leikstjóra sem eru þátttakendur í kvikmyndasmiðjunni RIFF Talent Lab.

EFA STUTTMYNDIR

Barna- og unglingamyndir

Í þessum flokki má finna skemmtilegar og áhugaverðar myndir fyrir ungmenni á öllum aldri. RIFF veitir öllum íslenskum leik- og grunnskólum aðgang að dagskránni ásamt kennsluefni. Fyrirspurnir skal senda á skolar@riff.is.

Mínútumyndir

One Minutes stofnunin framleiðir og dreifir mínútumyndum út frá listrænu sjónarmiði og býður upp á alþjóðlegan vettvang til að skapa og tengjast. Á tveggja mánaða fresti kemur út ný sería á þeirra vegum. Taktu þátt á theoneminutes.org.
See also: List of all Films
MEDIA_LOGO-RIFF2020_new
skjaldarmerki_new
Reykjavík_merki_new
ruv_logo_new
Luxor_logo

Sjá hér alla samstarfaðila okkar

HÁTÍÐIN
SÉRVIÐBURÐIR
UM RIFF
FRÉTTIR & UMFJÖLLUN
UNGRIFF
VERKEFNI
BRANSADAGSKRÁR
TENGLAR

SIGN-UP FOR OUR NEWSLETTER

Subscribe