Opið fyrir innsendingar

18. Alþjóðlega kvikmyndahátíðin í Reykjavík

Kæru kvikmyndaunnendur, við erum himinlifandi að tilkynna að opið er fyrir innsendingar til Alþjóðlegu kvikmyndahátíðarinnar í Reykjavík, sem er haldin í 18. sinn, dagana 30. september til 10. október 2021.

 

SENDU INN ÞITT VERK
Við tökum við leiknum-, heimildar- og hreyfimyndaverkum, í öllum lengdum og gerðum. Kvikmyndirnar verða að vera framleiddar eftir 1. janúar 2020 og mega ekki hafa verið frumsýndar áður á Íslandi. Skilafrestur er til 7. júlí, 2021.  Vinsamlegast sendu myndina þína til okkar í gegnum Filmfreeway.

 

TAKTU ÞÁTT Í REYKJAVÍK TALENT LAB
Reykjavík Talent Lab, sem stendur yfir frá 5. – 9. október 2021, er skapandi samstarfsrými fyrir hæfileikaríka nýliða sem vilja hitta annað álíka þenkjandi fólk í kvikmyndaiðnaðinum. Þar gefst þeim tækifæri á að hafa samband við kvikmyndaframleiðendur og annað fagfólk sem er tilbúið til að hjálpa og ráðfæra þau við sína fyrstu leiknu kvikmynd. Dagskráin inniheldur meistaranámskeið, pallborðsumræður, vinnustofur, handleiðslu reynds fagfólks, ásamt fjölmörgum spennandi verkefnum. Með þessu starfi styðjum við upprennandi kvikmyndagerðafólk við að þróa sínar listrænu raddir, í gegnum fjölbreytta og ógleymanlega upplifun.

Þátttakendur í Reykjavík Talent Lab fá tækifæri til að senda inn stuttmynd, úr eigin smiðju, í stuttmyndakeppnina Gulleggið. Frekari upplýsingar má finna hér.

Til að sækja um í Reykjavík Talent Lab og Gulleggið sendu okkur umsókn hér. Allar fyrirspurnir má senda á talentlab@riff.is.

 

FJÖLMIÐLAR OG FAGFÓLK

Á hverju ári býður RIFF blaðafólki og fagfólki úr kvikmyndaiðnaðinum að taka þátt í Bransadögum RIFF,  Íslensku markaðsmálþingi og öðrum skemmtilegum viðburðum.

Hafðu samband við okkur á industry@riff.is fyrir frekari fyrirspurnir eða beiðnir.

 

SJÁLFBOÐALIÐAR

Hátíðin gæti ekki farið fram án stuðnings hinna mörgu sjálfboðaliða sem ganga til liðs við okkur á hverju ári, hvaðan af úr heiminum. Hefur þú áhuga á að leggja RIFF lið, vinna í alþjóðlegu teymi og aðstoða við skipulagningu eins virtasta menningarviðburðar Íslands? Sendu okkur þína umsókn hér. Við hlökkum til að heyra frá þér!

Share on facebook
Facebook
Share on twitter
Twitter
Share on linkedin
LinkedIn
Share on email
Email

SIGN-UP FOR OUR NEWSLETTER