Innsending mynda 2020

Þátttökuskilyrði

Innsendar myndir – Skilmálar

Er myndin mín gjaldgeng?

Til að kvikmyndin teljist gjaldgeng á RIFF 2020 verða umsækjendur að hafa lokið við myndina eftir 1. janúar 2019.

Um Íslandsfrumsýningu skal vera að ræða, þ.e. myndin má ekki hafa verið sýnd opinberlega á Íslandi fyrir hátíðina.

Myndin verður að vera á ensku eða með enskum texta.

Hvað fæ ég fyrir umsóknargjaldið?

Umsóknargjald fyrir íslenskar myndir er 4.900 ISK en ef sótt er um fyrir 6. mars er verðið 2.900 ISK. Vinsamlegast fyllið út viðeigandi form og sendið póst á program@riff.is ef áhugi er fyrir því að sýna mynd á RIFF.

Umsóknargjald er  7.600 ISK (um 55 EUR) en ef sótt er um fyrri hluta árs, þ.e. fyrir 6. mars er verðið 4.900 ISK (um 35 EUR). Umsóknargjald er ekki endurgreitt og fer í að fjármagna hátíðina á ýmsan hátt.

Hvernig myndir eru skoðaðar?

Dagskrárnefnd RIFF skoðar íslenskar og erlendar myndir, heimildarmyndir og leiknar myndir, án tillits til lengdar eða viðfangsefnis.

Farið er í gegnum allar umsóknir á hátíðina.

Hvernig eru myndirnar valdar?

Flokkun og samsetning dagskrár verður ákveðin af dagskrárnefnd RIFF. Ákvörðun nefndarinnar er endanleg. Þeir umsækjendur sem komast á hátíðina fá frekari upplýsingar um þetta þegar ákvörðun nefndarinnar liggur fyrir.

Umsóknargögnum er ekki skilað til umsækjenda. Sendið ekki frumeintök með umsóknum.

Umsækjendur sem komast á hátíðina fá einnig beiðni um að senda kynningarefni fyrir dagskrárrit, heimasíðu o.fl. Er það alfarið á ábyrgð þátttakenda að skila slíku efni á réttum tíma og í réttu sniði. Gert er ráð fyrir að myndir umsækjenda megi sýna á hátíðinni án endurgjalds.

Umsækjendur sem komast á hátíðina geta gert ráð fyrir að myndir þeirra verða sýndar 3-4 sinnum á hátíðinni og 4-5 sinnum á landsbyggðinni í mánuðinum eftir að RIFF lýkur, sem hluti af RIFF um allt landRIFF um allt land er ætlað að ná til áhorfenda sem annars hefðu ekki möguleika á að sjá dagskrá hátíðarinnar.

Þrír keppnisflokkar

Á RIFF eru þrír keppnisflokkar þar sem dómaranefnd velur bestu myndina: Vitranir (fyrir fyrstu eða aðra mynd leikstjóra, í fullri lengd), Önnur framtíð (fyrir heimildarmyndir) og stuttmyndaflokkarnir: Besta íslenska stuttmyndinBesta erlenda stuttmyndin og Gulleggið, sem veitt er bestu stuttmyndinni frá Reykjavík Talent Lab; auk fjölda annarra flokka sem ekki eru keppnisflokkar.

Myndir í fullri lengd sem valdar eru í flokkana Vitranir og Önnur framtíð koma til greina til dómaraverðlaunanna, sem og stuttmyndir sem valdar eru í stuttmyndaflokkana.

Sýniseintök

Sýniseintök á netinu eru ákjósanlegust en umsækjendur geta einnig sent DVD eða USB-minnislykla.

Öll sýniseintök skulu vera merkt með nafni myndar og sendanda.

Umsækjendur mega sækja um með eins mörgum myndum og þeir kjósa en þurfa að senda aðskildar umsóknir og sýniseintök fyrir hverja mynd.

Hægt er að senda inn umsókn og eintök af kvikmynd inn á vefsíðu Eventeval.