Alþjóðleg kvikmyndahátíð í Reykjavík (RIFF) er stærsta kvikmyndahátíð landsins sem haldin verður í 22. sinn frá 25. september til 5. október 2025. Á RIFF hvert ár eru sýndar um 80 kvikmyndir í fullri lengd og fjöldi stuttmynda hvaðanæva að úr heiminum, Upplifðu kvikmyndatöfra á hvíta tjaldinu á RIFF.  Á RIFF 2025 er eitthvað fyrir alla: Kynntu þér YouthRIFF þar sem boðið er upp á skólasýningar, fjölskyldumyndir og hagnýtar vinnustofur; Taktu þátt í Bransadögum þar sem Ísland er kynnt sem kvikmyndaland og rætt er um málefni sem varða bransann; og ekki missa af Talent Lab, þar sem framúrskarandi kvikmyndagerðarmenn læra af reynsluboltum í faginu. RIFF er jafnframt þekkt fyrir sérviðburði sem koma á óvart, s.s. sjónræna matarupplifun, sundbíó, hellabíó og tónleika, sem gera hátíðina ógleymanlega.  Miðasala á stakar sýningar hefst í september en unnt er að tryggja sér passa og klippikort hér á síðunni. Framundan eru spennandi 11 kvikmyndadagar með nýjum og framúrskarandi myndum og ógleymanlegum sérviðburðum.
Markmið okkar eru að breyta kvikmyndamenningunni með því að sýna framúrskarandi kvikmyndir sem kæmu annars ekki til landsins, efla umræðu og kvikmyndalæsi, knýja fram samfélagslegar umbætur með mætti kvikmynda og kynna kvikmyndalandið Ísland.