Minning: Marjane Satrapi
(1969-2026)
Það er með sorg í hjarta sem Alþjóðleg kvikmyndahátíð í Reykjavík minnist Marjane Satrapi, en hin heimsfræga íransk-franska kvikmyndagerðarkonaadvocate Marjane Satrapi,ur og mannréttindasinni lést í morgun, 4.júní, 56 ára að aldri.
Satrapi var einn áhrifamesti listamaður sinnar kynslóðar og öðlaðist heimsfrægð fyrir sjálfsævisögulega myndasögu sína Persepolis, sem varpaði einstöku ljósi á lífið í Íran eftir byltinguna og reynslu útlagans. Í verkum sínum sameinaði hún listræna sýn, húmor og einlæga mannúð, og varð ómissandi rödd í samtali samtímans um frelsi, sjálfsmynd og mannréttindi.
Marjane Satrapi var heiðursgestur RIFF árið 2012, þar sem henni voru veitt verðlaun hátíðarinnar sem Upprennandi meistari fyrir framlag sitt til kvikmyndalistarinnar. Hún kom fram á hátíðinni af þeirri einlægni, skarpskyggni og hlýju sem einkenndu verk hennar og skildi eftir sig varanleg áhrif á þá sem á hana hlýddu.
Með fráfalli hennar hefur alþjóðlegt kvikmyndasamfélag misst einstaka listakonu og mikilvæga rödd.
Hugur okkar á skrifstofu RIFF er hjá fjölskyldu hennar, vinum og samstarfsfólki. Verk hennar munu áfram lifa og minna okkur á mátt listarinnar til að varpa ljósi á heiminn, ögra viðteknum hugmyndum og brúa bil milli ólíkra menningarheima.
