Arctic Script Lab er þróunarverkefni fyrir handritshöfunda og leikstjóra frá Norðurlöndum sem eru að ryðja sér til rúms og eiga það sameiginlegt að segja frá reynsluheimi fólks á norðlægum slóðum, hvort sem hún tengist náttúrunni, samfélagslegum málefnum, menningu eða pólitík.
Þróaðu þína fyrstu mynd í fullri lengd. Finndu rödd þína. Stækkaðu tengslanetið.
Arctic Script Lab er blandað þróunarverkefni fyrir allt að 8 handritshöfunda frá Norðurlöndum sem eru að taka sín fyrstu skref og vinna að sinni fyrstu leiknu kvikmynd, heimildarmynd eða blönduðu verki.
Við leitum að sögum sem skipta máli: frásögnum sem skoða skurðpunkt náttúru, vistfræði, samfélagsbreytinga, menningararfs. Við viljum sjá hver framtíðin getur orðið með augum heimamanna og frumbyggja á norðlægum slóðum.
Verkefnið sameinar með markvissum hætti leiðsögn, endurgjöf á jafningjagrundvelli og vandlega skipulagðar kynningar á fagaðilum í greininni. Þátttakendur þróa verk sín á vinnslustigi, dýpka þematískar áherslur og koma sér í samband við fagfólk í norrænum kvikmyndaheimi á RIFF 2026.
HVÍ NÚNA?
Samtíma kvikmyndagerð er undirlögð af heimsendaspám sem vekja ótta og vonleysistilfinningu. Við viljum búa til rými fyrir sögur með rætur í raunverulegri reynslu, innbyrðis tengslum og langtímahugsun; nálgun sem Norðurslóðir hafa ávallt hlúð að.
Tvö stig: samstarf á netinu + fundir í eigin persónu
Hluti 1: Vinna á netinu
Seinni hluti júní/ Snemma í júlí 2026 – 3 dagar (hálfur föstudagur, laugardagur, sunnudagur) – Á netinu
Deildu með okkur útlistuðu handriti Þú vinnur með leiðbeinendum og öðrum þátttakendum í hópavinnu þar sem farið er yfir sögubyggingu, frásagnaraðferð, og þematíska staðfærslu. Þú færð skriflega endurgjöf, leiðsögn í rauntíma og andrými til umhugsunar áður en hópurinn hittist.
Það sem þú færð:
Hluti 2: Vinna á staðnum
29.september – 2. október, 2026 – Reykjavík, Ísland – Hluti af Bransadögum RIFF
Vertu hluti af einum mikilvægasta fagaðilafundi í kvikmyndaheimi Norðurslóða. Samhliða áframhaldandi leiðsögn og þróunarfundum munt þú hitta framleiðendur, fjármögnunaraðila, dagskrárstjórnendur hátíða og jafningja, og huga fyrir alvöru að næstu skrefum í verkefninu þínu.
Það sem þú tekur þátt í:
FERÐALÖG OG GISTING: Þátttakendur sjá sjálfir um ferðatilhögun. Styrkur sem nemur €400 er í boði fyrir þátttakendur sem koma erlendis frá.
Við leitum að handritshöfundum og leikstjórum sem:
Eru að þróa sína fyrstu kvikmynd í fullri lengd (leikin, heimildarmynd eða blandað verk)
Eru með verkefni á vinnslustigi eða lengra komið — meira en bara hugmynd
Eru búsett á Norðurlöndum: í Danmörku, Finnlandi, Íslandi, Noregi, Svíþjóð, á Álandseyjum, Færeyjum eða Grænlandi
Tengjast norðlægum sjónarmiðum eða frásagnarhefðum frumbyggja — hvort sem það er í gegnum bakgrunn, efnistök eða hvort tveggja
Eru tilbúin að taka endurgjöf, jafninganám og leiðsögn alvarlega
Vilja byggja upp varanleg fagtengsl í norrænum kvikmyndaheimi
Allt að 8 þátttakendur eru valdir á hverju ári í gegnum opið umsóknarferli.
Dagur Kári
Skipulegt dramatúrgískt stuðningsferli á tveimur stigum
Leiðsögn frá norrænum og alþjóðlegum fagmönnum í kvikmyndagreininni
Jafningjaendurgjöf innan hóps norðænna radda sem mynda varanleg tengsl
Þátttaka í Bransadögum RIFF (pallborð, tengslamyndun, bransafundir)
Skrásetning á þínu vinnsluferli þátttakendaneti
Viðurkenningarskjal sem staðfestir þátttöku
Ferðastyrkur að upphæð €400 (fyrir erlenda þátttakendur)
Arctic Script Lab er skipulagt og framkvæmt af Alþjóðlegri kvikmyndahátíð í Reykjavík (RIFF) í samstarfi með Alþjóðlegu kvikmyndahátíðinni í Nuuk (Grænland).
Co-funded by the Nordic Culture Fund.
Í þessu verkefni eru Norðurslóðir skilgreindar sem raunverulegt, menningarlegt og umhverfislegt samhengi sem mótar frásagnirnar sjálfar, á meðan Norðurlönd gegna hlutverki samstarfsramma, þess vettvangs þar sem þessar sögur eru þróaðar og studdar þvert á landamæri.
