UNGRIFF
25. september—6. október 2024
UNGRIFF
25. september—6. október 2024
Frá stofnun RIFF hefur eitt af meginmarkmiðunum verið að veita ungu fólki tækifæri til að tjá sjálfsmynd sína í gegnum kvikmyndagerð. Undanfarin ár hefur barnahátíðin UngRIFF vaxið og dafnað, og er nú glæsileg hátíð fyrir ungmenni landsins. Með því að bjóða upp á fjölbreytta og metnaðarfulla dagskrá kvikmynda fyrir börn og unglinga, skipuleggja vinnustofur og fjölda fræðsluverkefna, vonumst við til að kveikja áhuga sem mun fylgja ungmennunum inn í fullorðinsárin. Við vonumst til að sjá marga framtíðar kvikmyndagerðarmenn spretta upp úr þessum hópi.
UngRIFF býður börnum og unglingum upp á fjölbreytta kvikmyndadagskrá frá öllum heimshornum, með kvikmyndum sem venjulega eru ekki sýndar í íslenskum kvikmyndahúsum. Myndir sem fjalla um félagsleg, umhverfis- og æskulýðsmál vekja oft upp umræður eftir sýningar. Markmið okkar er að hvetja ungmenni til að vera lausnamiðuð þegar þau mæta áskorunum og auka lýðræðislega þátttöku.
UngRIFF hefur frá upphafi starfað í samstarfi við leik- og grunnskóla um allt land. Úrval kvikmynda samanstendur af stuttmyndum og kvikmyndum í fullri lengd, sem eru sérvaldar eftir aldurshópum. Öllum sýningum fylgir kennsluefni til að auðvelda kennurum að fræða nemendur.
UngRIFF vill að kvikmyndagerð sé bæði skemmtileg og fræðandi upplifun. Markmið okkar er einnig að auka kvikmyndalæsi barna. Verkefnin eru fjölbreytt og almennt er lögð áhersla á hópavinnu, samræður og gagnrýna hugsun.
Með því að leggja áherslu á kvikmyndagerð fyrir unga áhorfendur hefur RIFF skapað vettvang þar sem börn og unglingar geta kynnst krafti kvikmyndarinnar og fundið sína eigin rödd í heimi kvikmyndagerðar.
Frá stofnun RIFF hefur eitt af meginmarkmiðunum verið að veita ungu fólki tækifæri til að tjá sjálfsmynd sína í gegnum kvikmyndagerð. Undanfarin ár hefur barnahátíðin UngRIFF vaxið og dafnað, og er nú glæsileg hátíð fyrir ungmenni landsins. Með því að bjóða upp á fjölbreytta og metnaðarfulla dagskrá kvikmynda fyrir börn og unglinga, skipuleggja vinnustofur og fjölda fræðsluverkefna, vonumst við til að kveikja áhuga sem mun fylgja ungmennunum inn í fullorðinsárin. Við vonumst til að sjá marga framtíðar kvikmyndagerðarmenn spretta upp úr þessum hópi.
UngRIFF býður börnum og unglingum upp á fjölbreytta kvikmyndadagskrá frá öllum heimshornum, með kvikmyndum sem venjulega eru ekki sýndar í íslenskum kvikmyndahúsum. Myndir sem fjalla um félagsleg, umhverfis- og æskulýðsmál vekja oft upp umræður eftir sýningar. Markmið okkar er að hvetja ungmenni til að vera lausnamiðuð þegar þau mæta áskorunum og auka lýðræðislega þátttöku.
UngRIFF hefur frá upphafi starfað í samstarfi við leik- og grunnskóla um allt land. Úrval kvikmynda samanstendur af stuttmyndum og kvikmyndum í fullri lengd, sem eru sérvaldar eftir aldurshópum. Öllum sýningum fylgir kennsluefni til að auðvelda kennurum að fræða nemendur.
UngRIFF vill að kvikmyndagerð sé bæði skemmtileg og fræðandi upplifun. Markmið okkar er einnig að auka kvikmyndalæsi barna. Verkefnin eru fjölbreytt og almennt er lögð áhersla á hópavinnu, samræður og gagnrýna hugsun.
Með því að leggja áherslu á kvikmyndagerð fyrir unga áhorfendur hefur RIFF skapað vettvang þar sem börn og unglingar geta kynnst krafti kvikmyndarinnar og fundið sína eigin rödd í heimi kvikmyndagerðar.
UNGMENNARÁÐ
Lykilþema UngRIFF er samframleiðsla og samsköpun. Börn og ungmenni leiða sköpun og framleiðslu verkefna og viðburða undir leiðsögn. Með þá hugmynd að leiðarljósi var ungmennaráð RIFF stofnað. Markmið ungmennaráðsins er að auka lýðræðislega þátttöku ungmenna og gefa þeim tækifæri til að hafa áhrif á mótun og framkvæmd hátíðarinnar. Ráðið samanstendur af fimm ungmennum á aldrinum 12-16 ára frá öllu landinu sem hittast einu sinni í mánuði, eða oftar ef þörf krefur, til að skipuleggja og undirbúa hátíðina ásamt verkefnastjóra hátíðarinnar.
UNGMENNARÁÐ
Lykilþema UngRIFF er samframleiðsla og samsköpun. Börn og ungmenni leiða sköpun og framleiðslu verkefna og viðburða undir leiðsögn. Með þá hugmynd að leiðarljósi var ungmennaráð RIFF stofnað. Markmið ungmennaráðsins er að auka lýðræðislega þátttöku ungmenna og gefa þeim tækifæri til að hafa áhrif á mótun og framkvæmd hátíðarinnar. Ráðið samanstendur af fimm ungmennum á aldrinum 12-16 ára frá öllu landinu sem hittast einu sinni í mánuði, eða oftar ef þörf krefur, til að skipuleggja og undirbúa hátíðina ásamt verkefnastjóra hátíðarinnar.
UNGRIFF 2024
UNGRIFF 2024
UngRIFF 2023 var haldin í fyrsta sinn dagana 27. september til 8. október. Á hátíðinni voru fjölbreyttir viðburðir fyrir börn og ungmenni.
Guðni Th. Jóhannesson, forseti Íslands, setti hátíðina við hátíðlega athöfn í Smárabíói þar sem yfir 1000 börn mættu á sérstakar skólasýningar á áströlsku teiknimyndinni „Hættuspil“ (e. Scarygirl) og dönsku myndinni „Fallið“ (e. The Fall).
UngRIFF stóð fyrir skólasýningum víða um land, meðal annars fyrir grunnskólabörn á Patreksfirði, Bíldudal og Seyðisfirði, þar sem sýningar fóru fram í Skjaldborg og Herðubíói.
Guðni forseti veitti Erni Árnasyni fyrstu Heiðursverðlaun UngRIFF fyrir framlag hans til barnaefnis í kvikmyndum og sjónvarpi. Örn hefur starfað við barnaefni í um 40 ár, er mörgum fullorðnum sérstaklega minnisstætt þegar hann vaknaði með börnunum á laugardagsmorgnum sem Afi.
Á UngRIFF voru sýndar 8 myndir í fullri lengd auk 40 stuttmynda sem börn gátu séð í Norræna húsinu og Slippbíói. Grunn- og leikskólum var boðið að koma á stuttmyndasýningar í Norræna húsinu og á Amtsbókasafninu á Akureyri á meðan hátíðinni stóð.
Sænski leikstjórinn Malin Ingdrid Johannson sýndi mynd sína „Madden“ í Félagsmiðstöðinni Óðal í Borgarnesi, þar sem ungmennum í 8. til 10. bekk var boðið að taka þátt í sérstakri smiðju að lokinni sýningu.
Spunasmiðja var haldin í samstarfi við Leiklistarskóla Borgarleikhússins, þar sem krakkar kenndu öðrum krökkum spuna. Tvær smiðjur voru haldnar og þær voru vel sóttar.
Þá var haldið fjölskyldu-hellabíó, þar sem fjölskyldur héldu saman í Raufarhólshelli og horfðu á myndina „Hættuspil“ í iðrum jarðar. Sýningin vakti mikla lukku hjá bæði börnum og fullorðnum.
UMSAGNIR
"Frábært að fá þetta flotta efni, geta valið úr það sem hentar- eða sem kennara finnst passa inn hverju sinni. Verkefnið eykur möguleika kennara til að tala um kvikmyndir sem listgrein inni í skólum og eykur á mynda- og kvikmyndalæsi nemenda."
Guðný Rúnarsdóttir
Grunnskóli Drangsness
"Mjög skemmtilegt að fá svona skemmtilegt efni á silfurfati inn í leikskólann. Við höfðum mjög gaman af og börnin líka."
Hjördís Ólafsdóttir
Krakkakot náttúruskóli
"Frábær dagskrá og gott skipulag, gott að hafa umsagnir um hverja mynd og að hægt væri að velja myndir sem hentuðu hverjum aldurshópi. Það var líka gaman fyrir nemendur af erlendum uppruna að geta sýnt myndir sem voru á þeirra tungumáli og mikil upplifun fyrir aðra nemendur sérstaklega að heyra tungumálin töluð og að fá erlendu nemendurna til að þýða í leiðinni. Stórglæsilegt framtak."
Regína J. Guðlaugsdóttir
Klébergsskóli
"Mjög fínar myndir, frábært krydd í tilveruna og skapaði góðar umræður."
Valdís Vera Einarsdóttir
Ölduselsskóli
UngRIFF 2023 var haldin í fyrsta sinn dagana 27. september til 8. október. Á hátíðinni voru fjölbreyttir viðburðir fyrir börn og ungmenni.
Guðni Th. Jóhannesson, forseti Íslands, setti hátíðina við hátíðlega athöfn í Smárabíói þar sem yfir 1000 börn mættu á sérstakar skólasýningar á áströlsku teiknimyndinni „Hættuspil“ (e. Scarygirl) og dönsku myndinni „Fallið“ (e. The Fall).
UngRIFF stóð fyrir skólasýningum víða um land, meðal annars fyrir grunnskólabörn á Patreksfirði, Bíldudal og Seyðisfirði, þar sem sýningar fóru fram í Skjaldborg og Herðubíói.
Guðni forseti veitti Erni Árnasyni fyrstu Heiðursverðlaun UngRIFF fyrir framlag hans til barnaefnis í kvikmyndum og sjónvarpi. Örn hefur starfað við barnaefni í um 40 ár, er mörgum fullorðnum sérstaklega minnisstætt þegar hann vaknaði með börnunum á laugardagsmorgnum sem Afi.
Á UngRIFF voru sýndar 8 myndir í fullri lengd auk 40 stuttmynda sem börn gátu séð í Norræna húsinu og Slippbíói. Grunn- og leikskólum var boðið að koma á stuttmyndasýningar í Norræna húsinu og á Amtsbókasafninu á Akureyri á meðan hátíðinni stóð.
Sænski leikstjórinn Malin Ingdrid Johannson sýndi mynd sína „Madden“ í Félagsmiðstöðinni Óðal í Borgarnesi, þar sem ungmennum í 8. til 10. bekk var boðið að taka þátt í sérstakri smiðju að lokinni sýningu.
Spunasmiðja var haldin í samstarfi við Leiklistarskóla Borgarleikhússins, þar sem krakkar kenndu öðrum krökkum spuna. Tvær smiðjur voru haldnar og þær voru vel sóttar.
Þá var haldið fjölskyldu-hellabíó, þar sem fjölskyldur héldu saman í Raufarhólshelli og horfðu á myndina „Hættuspil“ í iðrum jarðar. Sýningin vakti mikla lukku hjá bæði börnum og fullorðnum.
UMSAGNIR
"Frábært að fá þetta flotta efni, geta valið úr það sem hentar- eða sem kennara finnst passa inn hverju sinni. Verkefnið eykur möguleika kennara til að tala um kvikmyndir sem listgrein inni í skólum og eykur á mynda- og kvikmyndalæsi nemenda."
Guðný Rúnarsdóttir
Grunnskóli Drangsness
"Mjög skemmtilegt að fá svona skemmtilegt efni á silfurfati inn í leikskólann. Við höfðum mjög gaman af og börnin líka."
Hjördís Ólafsdóttir
Krakkakot náttúruskóli
"Frábær dagskrá og gott skipulag, gott að hafa umsagnir um hverja mynd og að hægt væri að velja myndir sem hentuðu hverjum aldurshópi. Það var líka gaman fyrir nemendur af erlendum uppruna að geta sýnt myndir sem voru á þeirra tungumáli og mikil upplifun fyrir aðra nemendur sérstaklega að heyra tungumálin töluð og að fá erlendu nemendurna til að þýða í leiðinni. Stórglæsilegt framtak."
Regína J. Guðlaugsdóttir
Klébergsskóli
"Mjög fínar myndir, frábært krydd í tilveruna og skapaði góðar umræður."
Valdís Vera Einarsdóttir
Ölduselsskóli
Samstarfsaðilar UngRIFF 2024
![EU flag-Crea EU + MEDIA [B&W] IS](https://riff.is/wp-content/uploads/elementor/thumbs/EU-flag-Crea-EU-MEDIA-BW-IS-1-qrkycibg4rpm8e92wj4depztjwhs6ux6esbowf15a8.png "EU flag-Crea EU + MEDIA [B&W] IS")
Við kynnum með stolti Ung-norrænu hugveituna [e. Young Voices Nordic Think Tank] sem haldin verður í fyrsta skipti í ár. Við bjóðum norrænum þátttakendum á aldrinum 18-25 ára, að Færeyingum og Grænlendingum meðtöldum, að taka þátt í öflugri eins dags málstofu undir handleiðslu sérfræðinga, þar sem markmiðið er að endurhugsa og móta sjálfbærari kvikmyndaiðnað.
Markmiðið er að mynda öflugan og öruggan samráðsvettvang þar sem raddir framtíðarleiðtoga í kvikmyndaiðnaði fá að heyrast og eflast. Á þessum umræðuvettvangi gefst þátttakendum kostur á að beita sér fyrir betri framtíð með markvissum hætti, þar sem markmiðið er að breyta landslagi iðnaðarins til að mæta betur þörfum og væntingum ungs fólks. Innan Ung-norrænu hugveitunnar býðst frjór jarðvegur fyrir nýstárlegar, ferskar hugmyndir og nýjar lausnir sem eru greininni bráðnauðsynlegur vaxtarsproti í síbreytilegum heimi.
Þetta verkefni, sem fjármagnað er af Norræna menningarsjóðnum [e. Nordic Culture Fund], er í takti við sjálfbærnistefnu RIFF sem unnin er með hliðsjón af Heimsmarkmiðum SÞ. Hugveitan eflir ungar raddir til áhrifa og hvetur ungmenni til lýðræðislegrar virkni. Með beinni þátttöku norrænna ungmenna skapast dýrmæt tækifæri til að styðja við sjálfbærari framtíð innan kvikmyndageirans.
Áhugasamir um verkefnið hafi samband við verkefnastjóra UngRIFF, í skolar (hja) riff.is
Við kynnum með stolti Ung-norrænu hugveituna [e. Young Voices Nordic Think Tank] sem haldin verður í fyrsta skipti í ár. Við bjóðum norrænum þátttakendum á aldrinum 18-25 ára, að Færeyingum og Grænlendingum meðtöldum, að taka þátt í öflugri eins dags málstofu undir handleiðslu sérfræðinga, þar sem markmiðið er að endurhugsa og móta sjálfbærari kvikmyndaiðnað.
Markmiðið er að mynda öflugan og öruggan samráðsvettvang þar sem raddir framtíðarleiðtoga í kvikmyndaiðnaði fá að heyrast og eflast. Á þessum umræðuvettvangi gefst þátttakendum kostur á að beita sér fyrir betri framtíð með markvissum hætti, þar sem markmiðið er að breyta landslagi iðnaðarins til að mæta betur þörfum og væntingum ungs fólks. Innan Ung-norrænu hugveitunnar býðst frjór jarðvegur fyrir nýstárlegar, ferskar hugmyndir og nýjar lausnir sem eru greininni bráðnauðsynlegur vaxtarsproti í síbreytilegum heimi.
Þetta verkefni, sem fjármagnað er af Norræna menningarsjóðnum [e. Nordic Culture Fund], er í takti við sjálfbærnistefnu RIFF sem unnin er með hliðsjón af Heimsmarkmiðum SÞ. Hugveitan eflir ungar raddir til áhrifa og hvetur ungmenni til lýðræðislegrar virkni. Með beinni þátttöku norrænna ungmenna skapast dýrmæt tækifæri til að styðja við sjálfbærari framtíð innan kvikmyndageirans.
Áhugasamir um verkefnið hafi samband við verkefnastjóra UngRIFF, í skolar (hja) riff.is
