RIFF er rétt handan við hornið

RIFF - Alþjóðleg kvikmyndahátíð í Reykjavík hefst hinn 23. september næstkomandi, og stendur til 3. október. RIFF

Vinna við dagskrá RIFF er á síðustu metrunum, en hún verður kynnt áður en langt um líður. Við höfum hins vegar ákveðið að taka forskot á sæluna, og kynna nokkur atriði sem verða á hátíðinni strax hér á heimasíðu hátíðarinnar.

• Yfir 100 kvikmyndir víðs vegar að úr heiminum verða sýndar. Þar á meðal eru leiknar myndir í fullri lengd, heimildarmyndir, stuttmyndir og teiknimyndir.

• 12 til 15 myndir keppa um aðalverðlaun hátíðarinnar, Gyllta lundann, í keppnisflokknum Vitranir (e. New Visions). Í þeim flokki eru aðeins myndir nýrra leikstjóra - fyrsta eða önnur mynd þeirra.

• Jim Jarmusch verður heiðursgestur hátíðarinnar í ár. Hann er einn virtasti kvikmyndagerðarmaður heims í „óháða geiranum“. Hann mun hljóta heiðursverðlaun hátíðarinnar úr hendi forseta Íslands. Nokkrar mynda hans verða sýndar, auk þess sem hann mun halda sérstakan „masterklassa“.

• Fjölmargar íslenskar myndir verða sýndar í Icelandic Panorama flokknum.

• Krassandi myndir verða sýndar í miðnætur-prógrammi hátíðarinnar – myndir sem ofast eru hvorki fyrir börn né hjartveika.

• Vel valin mynd verður sýnd í sund-bíói í Sundhöll Reykjavíkur og önnur í bílabíói við Reykjavíkurflugvöll.

• Á meðan Alþjóðleg kvikmyndahátíð stendur yfir verður sannkölluð hátíðarstemning í höfuðborginni. Sýndar verða stuttmyndir og myndbrot úr kvikmyndum RIFF 2010 í völdum verslunum, skólum, búðum og á fleiri óvenjulegum stöðum. RIFF-fánum verður flaggað í miðborginni og RIFF-skólabíll mun keyra um götur borgarinnar þar sem hægt verður að kaupa miða og forvitnast um hátíðina.

• Undanfarin ár hefur RIFF teygt sig um allt land. Útibú hátíðarinnar var  m.a. á Ísafirði, Seyðisfirði og Selfossi á síðasta ári. Í ár er ætlunin er að RIFF-kvikmyndalestin fari á valda staði á landinu og þar verði sýndar kvikmyndir í samvinnu við heimafólk á hverjum stað.

• Auk þessara sérviðburða má nefna að í kringum hátíðina verða haldnir tónleikar af ýmsu tagi, líkt og verið hefur undandarin ár. Endanleg dagskrá hátíðarinar er í vinnslu og verður tilkynnt í byrjun september. Fylgist með!

Vertu með:

"People were telling me: "In Iceland you will feel as if you are on the moon". So I went there and discovered that compared to Iceland the moon is boring. And to see movies there was really special. Thank you."