RIFF 2020 opnar fyrir umsóknir

Við erum ávallt spennt fyrir nýjum íslenskum myndum og erum því ánægð með að tilkynna að búið er að opna fyrir umsóknir á 17. Alþjóðlegu kvikmyndahátíðina í Reykjavík, RIFF sem haldin verður 24. september til 4. október næstkomandi.

Við tökum á móti kvikmyndum í fullri lengd ásamt heimildarmyndum og stuttmyndum. Myndirnar þurfa að vera framleiddar eftir 1. janúar 2019 og ekki hafa verið frumsýndar formlega hér á landi. Umsóknarfrestur er til 15. júlí næstkomandi.

Reglur hátíðarinnar vegna innsendra mynda eru hér og allar umsóknir þurfa að berast í gegnum Filmfreeway-gáttina.

Mikil aðsókn er ævinlega á meðal kvikmyndafólks að komast með myndirnar sínar á RIFF en í kringum 1.000 umsóknir frá kvikmyndagerðarfolki hvaðanæva að hafa að meðaltali borist hátíðinni síðustu ár. Ef einhverjar spurningar vakna þá ekki hika við að senda þær á netfangið submissions@riff.is

Við hvetjum ykkur að senda inn myndir á RIFF og hlökkum til samstarfsins!