RIFF um alla borg hefur verið hluti af hátíðinni í mörg ár og við erum spennt að halda áfram með þetta frábæra verkefni. Brot af dagskrá hátíðarinnar, svo kallaðar mínútumyndir, verða sýndar á mismunandi stöðum í borginni og skapast þannig einstök menningarupplifun fyrir gesti og gangandi.

The One Minutes er hollensk stofnun sem framleiðir og dreifir mínútumyndum út frá listrænu sjónarmiði og býður upp á alþjóðlegan vettvang til að skapa og tengjast. Ný sería á þeirra vegum kemur út á tveggja mánaða fresti. Nánar á theoneminutes.org.