April Captains + Extended Talk
Háskólabíó
3. október, kl 17:10 (5:10pm)
Leikstjóri: Maria De Medeiros
Leikstjóri tekur þátt í spjalli á sýningunni.
Við erum stödd í Portúgal aðfaranótt 25. apríl 1974. Útvarpið leikur þá hið bannaða lag Grândola til marks um að stundin sé runnin upp. Um leið hefst valdarán hersins sem breytti ásýnd Portúgal og um leið örlögum víðáttumikilla nýlenda ríkisins í Afríku.
The Ornithologist + Intro
Háskólabíó
3. október, kl 14:40 (2:40pm)
Leikstjóri: João Pedro Rodrigues
Leikstjóri kynnir myndina.
Fernando, einmana fuglafræðingur, leitar að sjaldgæfum svörtum storkum við afskekkta á í norðurhluta Portúgals þegar straumþungir flúðirnar hrífa hann með sér. Kínverskar pílagrímsstúlkur, sem eru á leið til Santiago de Compostela, bjarga honum og þá leggur hann af stað inn í dimman og dularfullan skóg til að komast aftur á rétta leið. Þar mætir hann óvæntum og óhugnanlegum hindrunum og fólki sem reynir á þanþol hans.
If Luck Will Come + Q&A
Háskólabíó
3. október, kl 12:30 (12:30pm)
Leikstjóri: Camille Bildsøe
Leikstjórinn tekur þátt í Spurt & svarað.
Bernsku afganskra barna lýkur við fjórtán ára aldur undir stjórn talibana. Í niðurtalningu frá tólf til fjórtán ára aldurs halda Zahra og Zalgai fast í leikinn, þótt þögnin og skyldurnar þrengi sífellt að þeim. Sirkusinn sem þau elska verður þeirra síðasta uppreisn gegn bernskumissinum.
Christiania + Q&A
Háskólabíó
3. október, kl 19:40 (7:40pm)
Leikstjóri: Karl Friis Forchhammer
Leikstjóri og Lisa Friis taka þátt í Spurt & svarað.
Með áhrifamiklum og átakanlegum sögum sem spanna meira en 50 ár kannar CHRISTIANIA hvernig samfélag, sem byggt er á frelsi, samstöðu og andófi, heldur áfram að berjast fyrir rétti sínum til að vera til – á eigin forsendum.
Það sem hverfur (La Pietá) + Intro
Háskólabíó
3. október, kl 20:45 (8:45pm)
Leikstjórar: PEPE ANDREU, RAFA MOLÉS
Leikstjórar myndarinnar og Ragnar Axelsson, ljósmyndari, taka þátt í Spurt & svarað.
Fyrir rúmri öld settust Flosi Björnsson og átta systkini hans að undir Vatnajökli og helguðu líf sitt jöklinum. Þegar ljósmyndarinn Ragnar Axelsson snýr aftur að lokuðum bænum þar sem hann dvaldi sumarlangt í æsku, vekur hann rödd Flosa til lífs á ný, á meðan ísinn sem brestur yrkir sálumessu fyrir veröld sem er að hverfa.
Hex + Intro
Háskólabíó
3. október, kl. 22:00 (10:00pm)
Leikstjóri: Maja Holand
Leikstjóri kynnir myndina.
Með hina alræmdu norsku svartmálmssenu í bakgrunni fylgir HEX þeim Nikoline, Victoriu og Johönnu eftir þegar þær stofna hljómsveitina Witch Club Satan án þess að kunna á nokkurt hljóðfæri. Næstu þrjú árin helga þær sig því að verða bæði nornir og tónlistarkonur og nýta svartmálminn sem farveg fyrir óbeislaðan kvenlegan kraft uns reyna fer á samheldnina, sannfæringuna og hugmyndina um frelsi. Hvað er að vera frjáls kona?
Teenage Sex and Death in Camp Miasma
Háskólabíó
3. október, kl 22:30 (10:30pm)
Leikstjóri: Jane Schoenbrun
Eftir margra ára hraðsoðnar framhaldsmyndir og dvínandi áhuga er Camp Miasma-myndaserían falin ungum og metnaðarfullum leikstjóra sem einsetur sér að blása nýju lífi í hana. Þegar hún leitar uppi dularfulla og einræna aðalleikkonu fyrstu myndarinnar dragast konurnar tvær inn í blóðugt víti langana, skelfingar og ofskynjana.
La Gradiva
Háskólabíó
3. október, kl 15:30 (3:30pm)
Leikstjóri: Marine Atlan
Bekkur framhaldsskólanema fer til Pompei til að skoða rústirnar og líkin sem Vesúvíus varðveitti undir öskunni. Ferðin reynist einstakt augnablik þar sem kraftur æskunnar mætir heimi þar sem tíminn hefur staðið í stað. Langanir þeirra brjótast upp á yfirborðið af óvæntum ákafa sem leiðir að lokum til þess að hin viðkvæma félagslega mynd sem hópurinn hefur myndað brestur.
Icelandic Shorts I & II
Háskólabíó
3. október, kl 13:15 (1:15pm)
Sem fyrr gerir RIFF stuttmyndum hátt undir höfði með veglegri dagskrá af stuttmyndum hvaðanæva að í heiminum. Í stuttmyndum gilda fáar reglur, forminu er oftar en ekki umbylt og alls kyns innblástur lætur á sér kræla.
International Shorts III
Háskólabíó
3. október, kl 21:00 (9:00pm)
Sem fyrr gerir RIFF stuttmyndum hátt undir höfði með veglegri dagskrá af stuttmyndum hvaðanæva að í heiminum. Í stuttmyndum gilda fáar reglur, forminu er oftar en ekki umbylt og alls kyns innblástur lætur á sér kræla.
Brace Your Heart
Háskólabíó
3. október, kl 11:15 (11:15am)
Myndin fylgir hinni 15 ára Jo á degi sem virðist hversdagslegur en verður að djúpri sjálfsuppgötvun. Heillandi söngur Phaedru vekur hjá henni nýjar tilfinningar á meðan draumkenndar minningar, sambandið við skapstóra móður og óvæntur harmleikur fléttast saman í ljóðræna sögu um ást, missi og mörkin milli lífs og dauða.
Tin Castle
Háskólabíó
3. október, kl 18:25 (6:25pm)
Leikstjóri: Alexander Murphy
Við löngu gleymdan veg býr O’Reilly-fjölskyldan í hrörlegu hjólhýsi sem stendur eitt eins og kastali á víðáttumiklum engjum. Þar taka Pa’, Lisa og tíu börn þeirra á við árstíðirnar, erfingjar lífshátta sem eru að líða undir lok. Þegar fjölskyldunni er hótað útburði standa þau fast á hefðarrétti sínum og veita mótspyrnu – en hversu lengi enn?
Small Dogs Bark Loud
Háskólabíó
3. október, kl. 11:00 (11:00am)
Leikstjóri Director: Nora Nivedita Tvedt
Hin tólf ára gamla Tuni lendir í ýmsum hremmingum í lífinu en hinn hundtryggi Salto hjálpar henni gegnum erfiða tíma.
The Visitor
Háskólabíó
3. október, kl. 11:15 (11:15am)
Leikstjóri: Vytautas Katkus
Sumarið er á enda. Danielius, maður á fertugsaldri, snýr aftur í heimabæ sinn til að selja íbúð foreldra sinna. Þar sem ekkert rekur á eftir honum endurnýjar hann kynni sín af fólkinu og bænum sem hann tilheyrir ekki lengur. Um leið þarf hann að horfast í augu við kyrrláta en áleitna einsemd.
Heat
Háskólabíó
3. október, kl. 13:30 (1:30pm)
Leikstjóri: Jacqueline Zünd
Loftslagsbreytingar raska lífi fólks og samböndum – ekki síst við Persaflóa, þar sem hitinn getur farið yfir 50°C og samfélagið skiptist milli þeirra fáu sem hafa efni á að verja sig gegn hitanum og innflytjenda sem eiga engra annarra kosta völ en að þola hann til að hafa í sig og á.
Ask E. Jean
Háskólabíó
3. október, kl. 19:00 (7:00pm)
Leikstjóri: Jacqueline Zünd
Bandaríski blaðamaðurinn E. Jean Carroll hefur skapað sér nafn sem brautryðjandi í blaðamennsku og farsæll álitsgjafi sem braut sér leið í hinum karllæga útgáfuheimi New York á níunda og tíunda áratugnum með óttalausri rödd sem var ólík öllum öðrum. Ask E. Jean segir frá ævintýralegu og viðburðaríku lífi þessarar einstöku fyrirmyndar og einu konunnar sem hefur unnið mál gegn Trump fyrir dómstólum – tvisvar.
The Loneliest Man In Town
Háskólabíó
3. október, kl. 17:45 (5:45pm)
Leikstjórar: Tizza Covi, Rainier Frimmel
Myndin fjallar um tónlistarmanninn Al Cook, sem býr einsamall í íbúð fullri af minningum, hljómplötum, bókum og öðrum munum sem fylgja löngu lífi. Þegar ákveðið er að rífa húsið horfist hann í augu við að heimurinn sem hann byggði líf sitt á er að hverfa. Myndin er fyrst og fremst ljóðræn persónusaga um einmanaleika, missi, minningar, tónlist og það að þurfa að sleppa takinu á fortíðinni.
The Last First: Winter K2 + Intro
UPPSELT!
Háskólabíó
3. október, kl. 20:25 (8:25pm)
Leikstjóri: Amir Bar-Lev
Tómas Guðbjartsson verður með kynningu.
Amir Bar-Lev segir flókna, átakanlega og áhrifamikla sögu sem varpar ljósi á heim öfgakenndrar fjallamennsku og þá menningu sem þar er að taka breytingum. Myndin fjallar um leiðangurinn árið 2021, þegar fjallgöngumaðurinn John Snorri Sigurjónsson frá Íslandi og feðgarnir Ali og Sajid Sadpara frá Pakistan héldu af stað í þeim tilgangi að verða fyrstir til að klífa K2 að vetri til.
